Ini soske e Partiaki ofisialuni qham nane sivae informipya thay kampanyake postipya vash o kandidati vash asamblea e extalosheruneski e Kulturaka Ministriako, r. Suleyman Elshani, ov mashkari piri ofisialuni qham ano facebook ulavela poro gendo thay piri biografia vash e jenenge kotar o romano komuniteti.
Yekh e yekhto hramipyendar avla kotar e ofisialuni qham e exdeputeteski, r. Erxhan Galushi kote hraminla Suleyman Elshani – Moni romani kandidati vash e Prizrenoska Komunaki Asamblea e gendoa 139.
“Pashe 30 bersha, Moni angazhizalo vash zoralipe thay manushikane hakaya e romengo ani Kosova.
Vash 4 bersha pherde ov servisingya sar talominstro ani Ministria vash Kultura, Terne thay Sporti, kote vi avdive ov phiravela te ovel ani akaya poziciya pe obligipe, keribeya kay o romengo avazo te shungyol may uqe desar niyekhver.
Avdive ov kandidinla vash Prizrenosko Komunaluno Sombeshipe, e viziya vash yekhipe, evolviripe thay dinitetuno reprezentipe.”, sine o hramipe kola ulavde mashkara yekha fotografia kote arakhlona duy jene.
Desar akalestar pe 27 septembro, o rayo Elshani ani piri facebooski qham ulavla kay ov si Kandidati vash e Asamblea e Prizrenoska komunikaki thay ulavla saday piri biografia.
Mashkari biografia mothagyola kay ov si 30 bersha aktivisti, agoringya e Edukimesko Fakulteti ano Publikuno Universiteti “Ukshin Hoti”, vakerla romani, albanyuni, srbyuni, harica turkyuni thay anglikani qhib.
Kerdoy buti sar jurnalisti 10 bersha ano Radio Romano Avazo, kote vi sine redaktori e revistako “Yekhipe” thay aver poeiziende avash angloaqhavipe o terne prandipya thay inkuraipe vash edukipe e qhayengo mashkaro seminarya thay treningya. Si riqhibarno e romana thay albanyuna qhibyako. Kotorleutno e Romane Teatrosko e bershesta 1996 kote kheldoy 20 premiere.
Thay ano bersh 2021 ulo kotor e LPRK-esko mashkari pozicia e Politikune Godideutneski ani Ministria vash Rayonaluno Avansipe, napal ano 2022 taloministri ani Kulturaki, Ternengi thay Sporteski Ministria. Jikaya no 2025.to bersh alosardilo vi sar talosheruno e partiako LPRK.
Numay aver kampanye thay kotorleipe ano debate ji akana nasile.
