Siklipeski thay Skenciaki Ministria qhvigya po hrami ano kontrate e 10 vijayutne organizaciencar vash financionaluno phikoipe vash o bersh 2026-2027, kola menajinena 54 siklipeske centarya e pederal 2,600 romane, ashkalyune thay egiptasyune qhavorensar, kotar o yekhto ji pe inyato klasa.
Ano ceremonia lela kotor vi o Ministri Hajrrula Ceku, khetane e Ministriake Generalune Sekretarea, Naim Gashi.
Ministri Ceku bahtakergya sah e organizacien vash lengiri ji akanutni buti thay mangla suksesya ano implementiripe e proyektyengo thay lengere programyengo.
Akava phikoipe ulavdilo ano rami e publikune kharipasko “Vash pasharipe e financionalune phikoipasko vash o BRO kola phikoinena thay promovinena e romane, ashkalyune thay egiptasyune siklovnen ano siklipeske centarya”.
Vash kava 2026-2027 bersh o financionaluno phikoipe bayrilo 120 mile euro may buderi se ano nakhlo bersh, kote vash 10 organizacie ulavdile 370 mile euro, jikay ano nakhlo bersh dendile 250 mile euro.
Akava financionaluno phikoipe kerla shayutno o lugyaripe e servisyenge pashiripesko vash o romane, ashkalyune thay egiptasyune siklovne mashkaro siklipeske centarya, ani akordanca e Ministriake prioritetyencar vash beraberipasko, inkludipasko thay siklipaske kualitetesko avansipe.
