Aplikipe vash financionaluno phikoipe vash o sah dadalarya kola si Prizrenoska Komunake dizutne, vash sah o qhavore kola biyandile andar o 2023.to bersh.

Kualifikaciake kriterya:

Dadalarya manglape te oven savahtune dizune e Prizrenoska Komunake;

Qhavoro mangla te ovel biyandi ano 1.to yanuari 2023 ji pe 31 decembri 2023;

Aplikipe si saday vash o qhavore kola siton Prizrenoske dizutne biyame ani Kosovaki Republika.

Dokumentacie kola manglape te dengyon:

1. Formulari vash aplikipe;

2. Kopia e identifikipaske lileski vash e day thay o dad;

Te sine kay o qhavoro si ano dikhat e yekhe dadalaresko odoya ver saday yekh identifikipasko lil;

3. Qhavoresko biyandipasko ekstrakti;

4. Certifikacia e aplikanteske khereski;

5. Deklaracia e familiarune khetanipaski;

6. Konfirmacia e bankake kontoski kotar e Kosovake licencirime banke;

Dokumentacie manglape te dengyon original thay te sine kay yekh e dokumentyendar na ka dengyol odoyaver shay te diskualifikingyoven kotar o vijaipe!

1. Vash o yekhto biyando qhavoro o financionaluno kosto kova ka ulagyol si 250.00 euro;

2. Vash o duyto biyando qhavoro o financionaluno kosto kova ka ulagyol si 300.00 euro;

3. Vash o trinto biyando qhavoro o financionaluno kosto kova ka ulagyol si 350.00 euro;

Te sine kay sinetumen binyakya odoyaver vash sakova qhavoro si te ulagyon po 250.00 euro.

O aplikacie manglape te ningargyon ano sportela e Komunaluna Administraciako ani fiziukuni qhand, shrdipa e 1.to sportelestar ji ko 5.to sporteli.

Aplikipe shay te keren ji pe data 15.to yanuari 2024. Te sine kay na siyen qalarne kotar e komisioako decizipe odoyave ver shay te keren rovlarin ano Direktorati vash e Ekonomia thay Financa mashkaro 5 dive palo iklipe e preliminarune rezultatengo ani Prizrenoska Komunaki Oficialuni qham.