Familie kola si ani socialuni asistencia si te vijainen ano akava qhon pherune pare vash kinipe e tharipaske sheyengo Kosovako raipe si te ulavel pherune pare vash o takyaripe pe yevendune qhona vash o socialaune asistenciake familie.
Akava nevipe dendilo kotar o Financiengo Ministri, Hekurant Murati. Akava financionaluno phikoipe avla kotar o Energetikuno Pako financirimo kotar e Europaki Unia, kote si 75 milionya euro.
Murati phenla kay ano akala qhona sakoya familia koya si ani socialuni skema si te vijainel pheruno phikoipe vash te takyol ano yevend, konkretipa te kinel kashta.
Ano aratikuno kedipe aprovisalo ulavipe e 5 milionya euro kotar o Energetikuno Pako e Europaka Uniako, vash pheruno phikoipe e familienge ani socialuni asistencia. Ano avutne dive si te ovel verifikacia e listengi thay e Financiengi Ministria ka informinel pe vahti vi e vijautnen vash implementiripe e akala masako.
