3 mule thay 661 surya ani Kosova e viruseya Covid 19.
Phando e raporteske kotar Sastipasko Instituti ani Kosova phengyola kay o may qalavde grupe siton manusha e bershenge 50 ji 59 119 surya thay o bersha 20-29 116 surya.
Vaksinipe si te phiravgyol vash o sebepi e garavipasko mamuy COVID-19 thay gripi, vash o phure sitov may semno o vakcinipe vash o sebepi e kronikune nasvalipyengo.
“Te respektingyon regule vash garavipe mamuy o virusi( thovipe e vastengo, adikeripe e maskengo…), thay reduktipe e familiarune vizitengo ano sastipaske instituciye kola lenape e tretiripa e suryengo e COVID 19, phengyola ano janglaripe.
O personya kola siton infektime kotar o Covid 19 rekomandingyola kay te izolingyon 5 dive, numay iranipe ano rutinake aktivitetya ovna palo saslarnesko rekomandipe.
Beshipe ano phande ambientya siton rezikune vash o sebepi e may sig infektipasko kotar o baro gendo e manushengo, phengyola ano janglaripe.
