Pe 13.to yuni, ano rami e kurkosko vash Yuridikuno Phikoipe Bizo Pokipe informisale o romane dizutne vash o kriterya sar shay te vijainen kotar e upre leparni agencia.

Sar reprezenti ano ofisi e RRA-esko sine e ofiserka kotar e Agencia vash YPhBP, ry. Fjorda Mujollari vash te prezentinel o kriterya vash te vijainen kotar lengere servisya, sar si o drom vash te realizingyon, vijautnenge kateforie, mangle dokumentacie vash aplikipe, thay ano aver drom sine vi e reprezenta kotar o ATRC, ry. Hera Luma koya reprezentingya o proyekti vash promovipe “Proyekti vash o Krisipe” e akala agenciako kova sitov phikoimo kotar o USAID.

Desar akalestar, ano kedibe lele kotor vi personya kola mangle konsultipe vash pere yuridikune problematike thay mangle te oven aplikantya thay vijautne kotar o servisya bizo pokipe.

Vi ayekha, amare dizutne ne janen kay RRA-esko ofisi si vi yekh e centrendar kay shay te aven te mangen adresipe tumare suryengo.