Adikerdilo e BRO Durmish Aslano Kuptanako kedipe, kote tretirisale nesa mahatne puqipya vash organizaciako funskionipe thay avutnipe. O kedipe realizisalo ani prezenca e kupatnake kotorleutnengi thay aver BRO-ke reprezentyengo, fokusea vash te laqhara o strukture thay o aktivitetya.

Ano divuno rendo sine akala viranya:

1. Bershuno raporti
Kupatnake kotorleutne kola diklarde detalno e bukyako raporti, analizipa o suksesya, sfide thay neve siklipya kotar o realizime aktivitetya ji akana. Potencirisalo o mahatnipe e angashipasko vash resipe e obyektivengo.
2. Avutne bershesko butyako plani – Prezantisale o proposalya vash o planya thay sherune prioritetya vash o avutno bersh thay o strategie vash te bayaren e organizaciako impakti ano komuniteti.
3. Avutne aktivitetya – diskutisalo vash o proyektya thay inciative kola ka realizingyon ano avutne qhona, e resea te forcirangyon o phikoipe vash o diklarde grupe thay bayaripe e gojaveripasko vash o puqipya kola tretirinla e organizacia.
4. Akseptipe e cidipevastyengi – Kupatni dikhlargya thay akseptingya o shtar cidipevasta e participantyenge: Sejnur Veshall, Jasir Misini, Gjengiz Cano thay Shenol Culangji kotar lengtgere pozicie ani kupatni thay andi organizaciaki struktura. Sah e kupatnake jene naysikerde vash lengo kontributi thay diskutinde vash o meste thanengo pheripe ani akordanca e organizaciake statutea.

Kedipe phandilo potenciripa te khetanobutikeripasko thay fokusiripasko lugyaripasko mahatnipe vash te ningaren e BRo Durmish Aslano-ski misia vash komunitetesko servisi. O kotorleutne dende lafi kay ka angashingyon vash e thovde planyengo realizipe thay e barvalipyenge garavipsko koya reprezentirinela e organizacia