Kosovaki Statistikengi Agencia (ASK) adikergya konferenca vash o medie kay te informinel o phiravipe e bukyako ano tereni e registripasko e populacia, ekonoma, familie thay apartamentya ani Kosova.
Akava si agorutno kurko e planesko vash o registripe e populaciako ani Kosova, raportinla RTK live.
Procesi e registripasko ani Kosovaki Republika shrdingya pe 5.to aprili thay ka phiravgyol ji pe 17.to may akale bershesko.
Avazdeutni e Statistenga Agenciaki, ry.Hazbije Qeriqi phengya kay o procesi e regisripasko ji akana gelo shukar, hari sfidenca kay o ASK sinelen ano tereni.
“Luine dive iklona neve shifre, numay referipa e agorutne informacienge kay ikalgyem, siton upre 1 milioni thay 300 mile dizutne kola si registrime sar rezidentyune thay pashe 400 mile kola si registrime ani digitaluni platforma e-diaspora”, phengya e ry. Qeriqi vash o RTK Radio.
Agorutno reigstripe e populaciako sine ano bersh 2011, kote odyaver e Kosova sinola 1.7 milionya dizutne.
Konferenca adikerdili pe 13.mayi 2024 ano ASK-esko ofisi shrdinindoy e oratar 10:00.
