Amerikanyenga Rashtrako Departamenti ajukergyola te pezulinel o aplikipe vash o vize vash o diztune e 75 rashtrenge, shrdipa e 21.to yanuarestar 2026, mashkari masa vash redikhlaripe e proceduryengo kola phangyona e kriterea “public charge”.

Mashkaro amerikanyune medie, e decizia baziringyola ano yekh andruno dokumenteti kova biqhaldilo e konsulenge seksioynenge, kote phengyola kay akava pezulipe ka lugyargyol vash yekh bidecizimi perioda, jikay ka agorinel o remoldipe e kontrolaka qhandyaki thay leipe e deciziengo vash o aplikantya.

Ani lista si rashtre kotar e Evropa, Azia, Afrika, Latinyuni Amerika, Rusia, Irani, Afganistani, Brazili, Nigeria thay aver. Kote mashkar akala rashtre si vi e Kosova thay aver balkaneske rashtre, feriso vi e Amerikaki Ambasada ani Prishtina ulavla akaya informacia vash amare dizutne.