Analisti Astrit Gashi gandinela kay e sherunemnistresko lil vash o Lumir Abdixhiku – sheruno e Partiako LDK, na si yekh kharipe vash koalicia numay si vash te kerel may baro ulavipe andral o LDK.
Gashi pelargya ki godi e situacia e bersheski 2019, kote e Vetvendosya kergya publikuno debate e LDK-eya vash koalicia, kote vijaingya politikune poeyna. Jikay o Viktor Buxhala aver analisti gandinela kay e Kurtesko lil si yekh angloinformipe vash neve alosaripya yase gatiseripe vash yekh shayutni koalicia e PDK-eya. Mashkar leste, yekh lekanipe ka alosarel sa e Presidentesko puqipe thay ka stabilizinel e politikuni situacia ani Kosova ano yekh mashkarvahti e na lungo.
