Ano lokalune alosaripya e 12.to oktombreski ano 2025 bersh e Centraluni Alosaripyengi Komisia realizisalo iranipe pe romani qhib e votuipaske lilengo. Akava realizisalo mashkaro angashipe e romane butikerutnengo ani akaya institucia.
Informipe dengya e partia PREBK mashkaro socialuni rafin.
“Kamle kotorleutne e romane komuniteteske ani Kosova, janglara kay ano akala lokalune alosaripya ani Obiliqeski Komuna votuipaske lila si te oven ini pe romani qhib. Akava si vash o sebepi e romane komunteteske gendosko ani Obiliqeski komuna, hraminindoy yekh baro bacako vash o kotorleipe thay respektip e qhibyake hakayenge e romane komuniteteske.
Akava si yekh baro resipe vash o reprezentipe
Akava procesi realizisalo prekal o angajipe e kotoletutneske ano CAK (Centraluni Alosaripaski Komisiya) kotar o redo e romane komuntetske, leskoro asistenti, thay e riqhibyarni vash e romana qhibyako ano rami e CAK-sko (Centraluni Alosaripaski Komisiya). Akava resipe reprezentinla numay o shrdipe yekhe dromipasko vash o yekhipe thay pherdo reprezentipe e romane komunteske ani Kosova.”, si o hramipe.
