Ofisialuno vizita ano KRAH kotar e Amerikake Yekhune Rashtrengi Misiaki Avrune Bukyengi ofiserka ani Kosovaki Republika, ry. Anu Prattipati.

Reprezentya e BRO Romengo, Ashkaliengo thay Egiptasyengo Avazo, pe qekat e direktorea Isak Skenderi, ano Kulturuno Centro akhardo KRAH, shukar ajukerde yekh delegacia kotar e Amerikake Yekhune Rashtrengi Ambasada ani Kosova, sar e ry. Anu Prattipati thay ry. Brooke Young – ofiserka vash o Manushikane Hakaya e Amerikaka Misiaki ani Kosova.

VoRAE ulavla poro naysipe moldipa kay akaya vizita ano KRAH reprezentinla yekh mahatno momenti vash olen thay vash e misia koya akharena. KRAH prezentinla e historia, moldipya, kultura thay kontributi e romane, ashkalyune thay egiptasyune komunitetyengo ani Kosova.

Jikay vi e Amerikaki Ambasada ani Kosova ulavla yekh postipe ano ofisialuni qham ano facebook, kote phenla kay akaya vizita sine inspirativuni kote arakhlepe e romane, ashkalyune thay egiptasyune komunitetyenge kotorleutnencar thay te shunen lenge elphina vash o avutnipe. Aktivuno kotorleipe thay sah e komunitetyenge kontributya phikoinena ano kreiripe e yekha may siguruna Kosovako.