Kosovako Ambsadori ano Arabenge Yekhune Emiratya, Xhabir Hamiti informingya vash o anglune gatiseripya vash o alosaripe e lokaciako vash implementipe e 25 milioyna euro donaciako, ulavde kotar e Arabiake Yekhune Emiratya, vash kreiripe yekh Neve Ginekologiake Hospitalesko ani Prishtina.

“Yekh laqho nevipe kotar o Abu Dhabi vash Nevo Ginekologiako Hospitali ani Prishtina. Pe lungipe e akale kurkesko, amalimo kotar o Godideutno Mehlin Mahmuti, ajukerdilum kotar Dr. Noura Al-Gauthi, talisekretara e Sastipaske Departamenteski – Abu Dhabi, koya informingya kay ano khetanobutikeripe e amara Sastipaska Ministria, startime o gatiseripya vash o nevo Hospitali.”, phenla o r. Xhavit Hamiti.

Vi ayekha akava departamenti, anoa kava bersh ka startinel o procesi e rinoviripasko thay saslaripaske teknologiake sheyengo vash o Hospitali Sheikh Zayed ani Vushtria may buderi se 7.5 milioyna euro.