Vash te konsolidina amaro khetanobutikeripe sar romano komuniteti ano Religiako Kursi per romani qhib, mashkari romane komuniteteski rodlarin thay nayskeripa o jiakanutno phikoipe ano konteksti e proklamipasko e religiuni harmonia ani Prizrenoski Komuna, arakhlampe e sherune imamea Orhan Bislimaj efendia.

Ano akava kedibe, diskutingyem o may laqhe qhangya vash te phikoina thay te avansina o kursya e Religiake pe romani qhib, vi ayekha o mahatnipe e garavipasko e harmonia thay o shukarnohalovipe mashkaro ver-verune komunitetya ano Prizren.

Sherunoimami Orhan Bislimaj potenciringya o mahatnipe e khetane butikeripasko thay mothagya gatiseripe e Koncilesko vash Islamesko Khetnipe vash te pasharel phikoipe ano konformiteti e shayipyengo.