Barcelona erati khelgya e Real Madrideya, khelipe kova akharkyola “El Klasiko”, thay vijaingya e rezultyatea 4-3 ano yekh dramatikuno khelipe thay buderi emocionalno.

Akava vijaipe na sine lokho feriso o Real Madridi ano 5.to minuta hramingya mashkaro penalty angluno gol kotar o Kilian Mbappe, jikay o duyto realizingya ano 14.to minuti.

Ano 19.to minuti Garcia mashkaro Ferand Torresesko asisti dengya gol ano favori e Barcelonako, jikay ano 32.minuta iklisko ani skena o terne Lamine Yamal kerindo o rezultati 2-2 beraber, thay yekhatar palo duy minutya ikliste angle e Raphinaske golea, sar yekh remundata kova khargyola ani Spaniaki qhib, kana si iranipe e rezultatesko.

Pandar bi agorisalo yekhto kotor realizisalo vi o 6 gol ano khelipe, palem kotar o Raphinya.

Ano duyto kotor e khelipaske o Kilian Mbappe realizingya poro trinto gol – sar hatrik kova but phare realzingyona ano El Clacico, numay palo buderi shancenco nashalipe, dramatikuno khelipe, o finaluno rezultati aqhilo ano favori e Barcelonako, vijaipe 4-3.

Mashkaro akava khelipe e Barcelona si o yekhto than 7 viraynencar may buderi se o Real Madrid, pashe te vijainel akaya titula feriso aqhile pandar 3 khelipya.

Desar, akalestar, e Barcelona ani akaya sezona sine pashe te vijainel e tripleta, numay vash e bibaht oy nashalgya kotar o Inter ani kvashi Finala e Champion Liga, numay mashkaro nevo treneri Hansi Flic, realzingya te iranel sa e Barcelonake fansen kreiripa yekh nevi ternengi ekipa kotar La Masia, kola sine but suksesuno ano akava bersh thay ano shtar khelipya e Real Madridea sinele saday triumfya.