Comodita Home informinla e audienca kay erati ano palo mesmereske orya, yekh kotor e fabrikako ani Gjakova thablili.

Vash i baht, o butikerutne evakuisale vahtilen thay nane day lindimo personi. Ano than yekhatar ikliste e poolicia thay e yagaqhavutnenge ekipe vash te lokalizinen e yag.

Aktualno, pandar konstatingyona o sebepya kay thabili e yag thay nashti te kergyol hesapi vash o materialuno ziyani.