Europake Koncilesko Presidenti, Antonio Costa, erati realizingya yekh kedipe ani Prishtina e sheruneministrea ano obligipe, r. Albin Kurti, kote potenciringya o mahatnipe e Kosovake angashipesko vash o normalizipe e ledeipyengo e Serbia mashkaro konstruktivuno dialogi, sar yekh mahatno bajako vash europako integripe. Jikay kana puqlilo vash ka cidingyon mi o mase vash e Kosova, ov respondingya kay manglape te telargyon o tensie yekhver napal te dikhelpe e masengi buti.

Ofisi e EU-ko ani Kosova publikingya fotografie kotar akava kedipe thay ulagya e Costasko mesazhi vash valanipe e fokusiripasko e kosovaryune institucioengo ani akaya rig.

Vizita ani Kosova avla pali Serbia thay Bosna Hercegovina. Ano Beogradi, potenciringya kay o dialogi e Kosova si esencionaluno vash kotorleipe e Serbiako ani EU thay mangla may klarifikimo pratsav mamuy e rusiaki agresia ani Ukraina, jikay yustifikingya e Vuciqeski vizita ani Moska vash o historikuno mahatnipe e datumesko.

Ani Sarayeva, Costa ulagya poro bishandipe vash o ulavipaske aktya e Srspa Republikake, kola konsideringyona sar riziko vash e Bosna thay Hercegovinako europianyuno avutnipe.

Pali Kosova, ov vizitingya e Vrtloriguni Makedonia thay napal e Albania, kote lela kotor ano Evropianyuno Politikune Komunitetesko Samiti.