Sheurnoministri ano obligipe, Albin Kurti, naysikergya thay bahtakergya e rashtrake institucie vash o sigyuno thay profesionalune reaguipe palo darakeripe kay thovdili yekh bomba ano Kosovako Parlamenti.
Ov mothagya kay e konfirmacia e darakeripaski origina si kotar e Serbia si argumenti kay pandar mangena yekh “hibridyuno aktivuno Mareva” mamuy e Kosova.
O Andrune Bukyengo Ministro ano obligipe, Xhelal Svecla mothagya kay o darakeripe ulo mashkaro yekh telefoni registrimo ani Serbia, kompania MTS, kote o vastutne e gendosko si Lazar Zhivkoviq, serbiako dizutno. Leskere profilenge redlaripya mothavna kay vastisale o fotografie e Ratko Mladiqeske, phanipa o suro e esktremistikune jenencar kola si anti-Kosova.
