Ano Prizenosko Univerzieti, ka adikergol lekciya vash Romengo Identiteti

Pe data 22.to marti 2024, paraskini dive sherdipa e oratar 13:00 ano Amfiteatri e Jivdipaske thay Naturake Fakultetesko si te adikergyol lekciya vash o Romano Identiteti thay antidiskrinipe ano rami e proyektesko “Promovipe e diversitetesko thay e romana qhibyako ani Prezenoski Komuna thay gojaveripaski kampanya mamuy o diskriminipe” implmentrimo kotar romane organizaciye: “Nevo Koncepti”, “Durmish Aslano” thay “ROMTEGRA” thay phikodendo kota o “Voice of Roma, Ashkali and Egyptians”.

Akava informipe dengyola palo maladipe e proyektesko kordinatoresko, r.Fatmir Menekshe e Prizenoske Universiteteske Rektorateya, respektiviteteya e Rektoreya r.Mentor Alishani.

Ani kaya leksia sar vakerutne si te oven: Daut Qulangji, Avdi Misini, Denur Paqaku, Gynesh Veshall thay Shyret Hoxhaj kola dende lekciye vi ano Prizenoske 7 mashkarutne skole.

Desar akalesta khargyona thay ajukergyona te len kotor sa Prizenoske studentya thay akademikuno stafi kote mashkar akeya leksiya site penjaren thay te sensibilzingyoven vash o roma, identiteti, orgina, qhib, kultura thay antidiskriminipe.