Duy ministrya e Kurteska raipaske diklona phirindoy ani but diskutimi phurt.
Adive palo phravdipe e Kosovaka postako ani Mitrovica duy ministrya e Kosovake Elbert Krasniqi thay Artane Rizvanoli diklona phrindoy ani ibreski phurt, numay ni yekh olenda na reposdina o puqipya vash e phurt koya si but diskutimi ano agorutne dive.
Kosovako Sheruno Ministri Albin Kurti irati phengya kay e phurt sitoy mesti vash phiripe thay si bazikuni hakay vash e Kosovake dizutne ini vash Europaki Unia.
Ji kay o Kosovake instituciye rodena kay e yekhuni te phavgyol, Nacionaluni Unia phenela kay o phavdipe e phurtyako manglape te ovel kotor e dialogesko.
Kurti mothavgya kay ano akava kurko ini o avutno kurko ka ovel vizita kotar e NATO-ski delegacia, Danimarkaki delegacia ini avrune ministrya e duj NATO-ske themenge.
E semno phurt pedi len e ibreski kotar o bersh 1999 ulavla e mesmerrigutni Mitrovica, jivdimi e Albanikane butiperipencar thay ani vrdloriguni rig,jivdimi e butipa kotar o Srbya.
