Yek tragedikuno ovipe ovela pe rakyune orya e tetradi divesko ani Peyaki diz.Duy uqe ofisionalune kota PDK, kandidati vash sheruno e Komunako, Astrit Ademay thay Blerand Kadriyay, palo yek konflikti, frdinde yagaka arma kote ini achona mule.

Numay phral e Astritesko, Avnia lela churdipe, kova palo doktori kova sine dikhat ano Peyako hospitali, isito pe riziko vash jivdipe.
Avazdeuntno e Kosovaka Policiako vash Peyako rayoni, Fadil Gashi,konfirmingya vash Telegraf kay ovipe ovela truyal e orako 20:20, pashe Mashkarutni Skola:AliHadri.
Pali patrola ano ovipesko than, policia arakla duy revolya thay nesave fishekya,kola siton bipakyavne kay sine vastime pe lungipe e aktesko.