Ani Evropa ano agoruno kurko ule incidentya e rusyenge dronyencar ani havayake ambientya e Poloniake, kote nesave dronya ushkavde akava ambienti, thay akaya situacia angya zorale reaguipya kotar e Varshava jikay o Europaki Unia konsideringya akava sar yekh agresivuno akti hraminla o The Guardian.

Si nesave propozalya kotar e EU-ake sherune thay phiravne kay manglape sanskie mamuy o Izraeli. E Presidenta e Europaka Komisiaki Ursula von der Leyen kergya kharipe vash sanksie mamuy o Izrale vash o sebepi e ofensivako ani Gaza vash e civilyengo meripe.

Jikay ano Mashkaruno Disorigutno

E Amerikake Rashtrenngo sekretari, Rubio kergya vizita ano Izraeli – ano akava mahatno momenti vash te menajinel o tensie mashkari Amerika thay e Arabiake thana palo Izraeleske biaqhavde atakya, konkretno o agoruno atako ani Doha, kote qalavdeli e Hamaseske sherune.  – phenla o Reuters.

Akava atako vazdingya buderi rayonalune reaguipya – kote pashe ruminela o ledeipya e Katarea thay e thaneske rashtrencar. Katari moldingya sar risko vash e rayonesko stabiliteti akava atako.

Jikay o bare armatake operacie ki Gaza thay e humanitaruni situacia bayarena maybuderi e kriza kote o civilya qalavyona. O mashkarselikane kerena kharipe vash aqhavipe e “civilyune terrorizmesko” thay dikhena sar te sigurinen phikoipe phenla e Al Jazeera thay Reuters.