Hikmeta Bajrami dengya cidipevast kotar e pozicia sar talosheruni e partiaki LDK thay yekhe dromea mangla vi o cidipevast e sheruneske, Lumir Abdixhiku, feriso o rezultati e 28.to decembareske alosaripyengo si teluno.

Ani yekh publikuni deklaracia, Bajrami phengya kay akaya akcia baziringyola ano politikuno standadi e LDK-esko mashkaro kova phenla odola kola lena phare thay bilaqhe rezultatya ano alosaripya manglape te adikeren godornipe thay te putaren o drom vash neve andrune partiake alosaripya.

Numay ini soske cidla vast sar talosheurni, oy ka lugyarel o butikeripe ano LDK sar deputeta koya alosardili vash o 7.to mandati ano Kosovako Republikako Parlamenti andar e LDK-eski Parlamentaruni Grupa sar o duyto may votuimo personi kotar akaya partia e 57 mile votencar.