Prizren, 5 May 2025 – Avdide, o romano komuniteti ani Kosova thay ano rayoni festuinla barikanipa e Karabashesko Tradicionaluno Dive, yekh festa kolake darina siton hor ani historia, kultura thay kolektivuno ogi e romane thay na romane komunitetesko.

Penjardo sar dive kay siole festivuni atmosfera, e Karabashesko dive simbolizinla shrdipe e neve sozanako yase avipe e nilayesko, ogesko shuzhipe thay naturake phandipa. O familie kedingyona vash te ulaven tradicionalune habe, vash te gilaven romane gila thay te khelen ji rakyune orya, jikay o qhavore loshalona e rangyencar thay e muzika kola pherna o droma thay o borya.

Ano but lokaliletya, akava dive vastingyola vash te zorakeren e identiteteski thay originaki emocia, vi ayekha vash te riafirminen o mahatnipe e romana kulturuna kustikipaske garavipe.

“Karabashi nasi saday yekh festa, numay yekh memoria kay siyem jivde, barikane thay khetane,” – si yekh moto vash akava dive.

Ano yekh dive kana buderi kulture mamuyingyona e sfidyencar vash te garaven poro identiteti, Karabasheski festa si yekh jivdi misla kay e romani kultura na saday kay rezistinela, numay vi dela pere luludya mashkaro terne generacie.

Akava nevipe/hramipe gatisardilo kotar o Fatmir Menekshe