Kosovako Sherunoministri ano Obligipe, Albin Kurti khetane e Kulturake Ministroa, Hajrullah Ceku lele kotor ani phandipaski ceremonia organizimi kotar e Fondacia “Lumbardhi”, feriso o Kino Lumbardhi nakhela ano renovipe.

Kurti potenciringya o historikuno thay kulturuno mahatnipe e Kinemako “Lumbardhi”, koya e bershestar 2002 sine Dokufestesko yekhto kher e yekhta ediciako thay yekh momumenti e Prizrenoske kulturune kustikipasko.

Desar akalestar, oy si simboli e amalipaske thay kulturune reformengo, than e kolektivuna memoriako thay aseti e kova garavgyola kotar e rashtra, kerindoy komparacia e paynea Lumbardhi kova phirla andi diz thay dela jivdipe e kulturune ovipyenge.

E Fondacia “Lumbardhi” vash phandipe sinela yekh festivuni agenda sah o kurko, mekhipa ver-verune filmya thay festuipa vi mashkar e muzika kote pe 31.to mayi sine Gipsy Grove thay Baba Zula.

Anglo 10 bersha o Kino Lumbardhi putergya pe phande udara, thay 10 bersha realizingya ver-verune aktivitetya thay ajukergya o rinovipe kova alo adive.