Palo formiripe e Kosovake instituciengo palo 1 bersha gerci thay rashtruni paraliza, akana e tema si e Presidentesko Alosaripe.
Agorune dive adikerdile kedipya mashkaro opoziciako sherune thay sherunoministri Albin Kurti kola mashkaro instituti IKD na manglape te adikergyon feriso e Presidenteske alosaripaske puqipa manglape te lelpe e Kupatni e na o Raipe.
Ano kedipe mashkaro Abdixhiku sar sheruno e LDK partiako thay Kurti ulavdile nesave deklaracie kote o Abdixhiku phenla kay si duy droma – politikuno konsensusi yase klasikuno lekanipe mashkaro duy partie, thay ano sol duy surya manglape 81 vote yase o buderipe e parlamentesko.
Jikay o Kurteski deklaracia sine: ya te arakha yekh anav vash presidenti ya o partie ne lenmpe kan mashkar peste jikay mothagya kay e Vetvendosya na nela daykh anav sar partiakuno kandidati vash presidenti.
Aver kedipe realizisalo vi e PDK-eske sherunea, Bedri Hamza. Hamza phenla kay o institucionaluno procesi nashti konsideringyola phando bizo e Presidentesko alosaripe. O than nashti beshla bi alosarde e Presidente.
Pe agor mashkari Kosovaki Konstitucia, e thanesko presidententi manglape te alosargyol 30 dive pandar bi giriqimo o mandate e aktualune presidentesko. E Kosovako presidentesko alosaripe, koya alosardili e Vjosa Osmani si ne 4 aprili 2021, akava mangla te phenel kay o agoruno vahti vash alosaripe e presidentesko si 4 marti.
