Erati adikerdili e 21.to tentativa e Kosovake Sombeshipasko kedipesko vash te konstituinen e Kosovaki Kupatni, numay palem nashti agorisali suksesea.

Ani seanca sine prezenti 90 deputetya, kolendar vash te kreirinen garavde votuipaski komisia, votuinde 53 vash, 1 mamuy thay na sine ni yekh abstenipe.

Sasavipea, o mangle kuorumesko nanipe vash alosaripe e Kupatnake sheruneske kergya kay o procesi te na finalizingyol. Thay yekhatar palo votuipasko agoripe, o sheruno e seancako informingya o aqhavipe e seancako thay o akharipe vash 27.to mayi pe ora 11:00, o 22.to seanca, rendoa palo 15 aprili kana o deputetya dende lafi numay pandar nashti resena te alosaren e Kupatnake sherune adikeripea blokirime o institucie.