Kosovako Sheruno Albin Kurti ani yekh intervista vash evropake plaforme “Euractiv” lunyako dive kritikingya o ledeipe mashkar e Italia thay Albania vash o garavipe e emigratyengo, potenciringya kay akava memorandumi na si alosaripe vash migripako problemi, numay ov phengya kay akava si vi rezikipe e manushkane hakayengo.

Presidenta e Europake Komisia (KE) Ursula Von Leyen, mothavgya interesi vash ideipe e ” Iranipasko Centro”  avri Europake Uniake (EU), leindoy kotor ini Balkaneske,  vash o migrantya kay rodna azili. Numay sherutno Kurti  na lela pe konsideripe shaipe e adaptipasko vash  pashutno plani  e Italiako thay Albaniako.

Ano akseptive e emigrantyengo vash tikno vahti te sine kay si urgenca normalipeya kay sakoya ver si shauyutno, deklaringya sheruno e Kosovake ekzekutivesko, pelrinindoy tele e ideaki imitacia e italiake modeleske, numay ani baza e dikhipasko akala centarya si te qalaven e  Balkaneske dizutnenge  somgodinipe  ini e EU.