Duy agorune dive, pe data 9 thay 10 oktombro 2021, LPRK partia realizingya duy fizikune kampanye vash te prezantinel pere asambleisten thay poro program.

Kampania realizisali ano ‘Hotel City’, kote pe 9.to oktombri kotorleutne ani kampania sine o roma kotar e “Bazhdarhana”, “Jenimahalla e anavea ‘Rexhep Karaqi’”, “Durmish Aslano” thay yekh kotor e Terzimahallako – “Nusret Seharsoj”.

Desar e romendar, ano akava puteripe e kampanyako lele kotor vi o sheruno e Prizrenoska Komunako r. Mytaher Haskuak thay o deputetya e Kosovake Parlamenteske, r. Artan Abrashi thay r. Haxhi Avdyli.

O duyto dive e kampaniako palem realizisalo ano “Hotel City”, numay akaya ver o kharde mahale sine e Terzimahallake thay o Tusuzeske roma.

Ano kampanie e partiake LPRK, o deputeti thay sheruno e partiako Erxhan Galush prezantigya e sherune e listake vash e asamblea e Sejnur Veshall kova si vi taloministri ani Kulturaki, Terngengi thay Sporteski Ministria, thay palo leste vi e 8 kandidaten vash e asamblea.