Presidenti e Serbiayko, Aleksandar Vuciq, deklaringya kay sherunoministri e Kosovako, Albin Kurti, na adikerga kedipe trilatrluno oleya thay reprezentya kotar BE, Josep Borell, thay emisari vash dialogi, Miroslav Lajcak.
Vi kay sine planfikipe vash adikeripe yekhutno kedipasko mashkar sheruniministri Albin Kurti thay presidenti serbyuno Alesandaer Vuciq e evropyaluno poleya, kava adive na ulo ano Brukseli.
Vuciq anglo media ano Brukseli pohingya kay ov inasalo trin ver kotar kedipya thay reprezentuesi kotar BE kote transmetime porsia e Kurteske.
“Na sinema kedipe e Kurteya vash sebepi ov na mangla yase na muklehole vash te arakhelpe manca. Me inasalum ano kedipe trinver, transmetime mange leske mesazhia, ayeka kay me dengum respondipe. On phena kay ov na sito gadisardo vash arakhipe manca”, pohinga ov.
“Sine yek suksesuno kedipe, vakergyam vash sa, ka procedurina o kedipe, sheruno negociate pe marte dive, ajukera vash phiravipe thay siamen but buti vash te kera, sitoy yek pharo procesi vash sah manusha kote kerna but buti. Sito but komplikuno, sitoy yek situacia phare vash amara populaciyake ani Kosova, amen ka phirava te mamuyingova”, phenla Vuciq, hraminela B92, transmetinela Klankosova.
