Kosovako Raipe adikergya ij elektronikuno kedipe lela decisa vash nevi masa vash mareba thay angloachavipe e Covid-19, masa kola khuvna adive 13 septembro thay lungyola jip e 26 septembro.
Sar si pe janipe ano neve mase kova siton publikune kota Ministria e Sastipeski, sakova personi kova khuvla ani Kosova , shay te ovelole pea ispatyuno pherdo lil e vaksinako, yase yek doza e vaksinaki, numay testi PCR-negativ kova ulo andre 72 orya.
Policiaki ora, phiragyola te ovel ano zoralipe pe 22:00- JI PE ORA 05, uzal ano emergentyuno suro. Ano mashkar e masako kova lela Raipe isito ini lungyaripe vash procesi e siklipesko vash duy kurke, thay phanipe angloskoluipe.
Raipe anglodiklargya kay familiya e chavorenca registrime ano angloskuluipe dat –day kola isiton ano bukya yek olenda te ovel tromalo pe buti pe lungipe akale peridesko.
