BRO ‘Nevo Koncepti’ ano kuadro e proyektesko REACH ll – reintegripe e irande jenengo kotar o komunitetya roma, ashkalie thay egiptasya kotar e ratoriguni Europa ani Prizrenoskiri komuna, realizinela yekh Nacionaluni Konferancia ani Prishtina.
Kotorleutne thay jene kola ka vakeren ani nacionaluni konferancia koya adikergyola ano Hotel Garden – Prishtina, si: Heiko Flink – kordinatori e Fondaciako Karl Kuber Stiftung (KKS), Emilija Redzepi – talosheruniministra vash o haricune komunitetya thay manushikane hakaya, Dukagjin Popovci – taloministro vash o Edukipe thay Skencia, Driton Halili – kotar e Andrune Bukyengi Ministria, Luljeta Veselaj Gutaj – Direktora e DKA-eski ano Prizren, Gazmend Salijevic – taliministri vash o Komunitetya thay irande, Islam Elshanj – ofisi vash o komunitetya thay iranipe, Prizren thay Sinan Gashi – Centro vash Profesionaluni Siklipe, Prizren.
Yekhe dromeya ani konferancia lena kotor vi aver reprezentya kotar o BRO, civiluno amalipe thay Medie. E nacionaluni konferancia talo moderipe e ry. Vjollca Gurgule, realizingyola vash te diskutingyol vash i rola, mahatnipe thay sfide e irande komunitetyengo roma, ashkalie thay egiptasya kotar e Ratoriguni Europa, instituciengo mahatnipe sar dola lokalune vi centralune, Civilune amalipasko thay instituciengo khetane butikeripesko shayipe ano nacionaluno thay internacionaluno niveli vash te avansinen e ekonomia thay e edukacia ani berabaruni qhand.
