Sherune e KQZ-eski, Valtede Daka vakergya vash o bi-regulipe kova raportisalo ano votuipasko ventro “Aziz Sylejmani” penjardo e anavea sar “Sfeti Sava” ano ratorigutni Mitrovica.
Ani konferenca koya adikerdile vash o medie e Daka phengya kay akala bukya thay bi-regulipa si te lelpe e Prokuroria.
“Akale problemeya si te lelpe e Prokuroria (yekh hakayipasko organi) feriso si yekh penuluno ovipe. Palo leipe e informaciengo e Prokuroria sit e kerel poro rodlaripe/rodipe thay siyem te la kan qhaqhipa vash so ulo konkretno”, phenlla e Daka – sheruni e KQZ-eski.
Ani yaver rig e alosaripyengi nacionaluni koordinatora kotar e rashtraki Prokuroria, rayna Laura Pula phengya: “akava suro kova raportisalo kay yekh personi votuinela may buderi se yekh fora, ajukera o konfirmipe vash te interveningyol ano odova votuipasko than”.
