Yekh pampuri kova nakhelay kotar e Malaga ano Madridi pashe 300 pasajeryencar iklisto shinendar pashe Kordoba pe ora 7:45 e eratikesko thay khuvgyape e yekhe pampurea kova sinele 200 pasajerya jikay ov avela sine Madridestar ani Huelva.

E mule manushengo gendo kotar o aksidenti kote yekh pampuri iklisto pere sastreynendar (shinendar) thay khuvgyape yekhe yaver pampurea ani Spania, si 39 persoyna, mashkaro emergentyune servisyengo raportipe.

Desar akalendar si buderi manusha kola si lendime, pashe 70 jene ano Hospitali.

E aksidentesko sepebi najangyola, numay e transportesko Ministri ani Spania, Osvar Puente, akhargya yekh interesanto aksidenti, thay vash o sepebi kay yekh kotor e shinengo renovisale ano may.

Numay sasavipea, ani Spania si te putergyol rodlaripe thay ka ajukergyol vi krisipe vash akava fataluno aksidenti.