Platforma “Miri yekhto Buti” prezentirisali kotar e organizacia “Voice of Roma, Ashkali and Egyptians”, kola mashkaro BRO Durmish Aslano lokali, informinde e ternen e bershendar 18-34, vash o konretuno shayipe vash te kreirinen piri yekhto profesionaluni eksperienca.

“Vullnetesko thay bukyako mahatnipe vash realizipe tumare sunyengo, kerla kay o terne te iklon kotar piri komoditetesko than thay te investinen ko poro personaluno thay profesionaluno avansipe”, phenla o Senad Ibishi – ofiseri e programesko.

Programi pasharla praktikenge treningya thay phikoipe vash butikeripe, kerindo shayutno kay o kotorleutne te pashon may buderi ko pere preofesie, sar sakana: saslarne, dizaynerya, edukatorya, translatorya thay agronomya.

O terne ulavde poro entuziazmo vash o shayipe koya pasharla akaya platforma, leparipa o bayaripe e korkorepakyavipasko, kreiripe e jandipyengo thay  integripe ano bukyako trego sar konkretuno vijaipe.

Akava proyekti implementiringyola kotar o HEKS ano khetano butikeripe e Kosovaka Butikeripaska Agencia (APRK), thay siole res te ovel o yekhto bajako vash komuitetyenge ternengo biumblavdipe thay suksesi.