OSBE reaguinla vash o na certifikipe e Serbiaka Listako

OSBE-eski miisia ani Kosova reaginla vash o na respektipe e Serbiaka Listako – may bari serbyengi partia ani Kosova – vash o parlamentarune alosaripya e 9.to februareske

Ani yekh deklaracia, OSBE potenciringya e Alosaripyenga Centraluna Komisiali rola ano promovipe e demokraciako thay politikune mestipyengo ani Kosova, moldipa o biaqhavdo phikoipe kotar akaya institucia andar o bersha.

Jikay, OSBE ulabgya po bishandipe vash e KQZ-eski decizia koya na certifikingya e Serbiaki Lista.
“Certifikipasko procesi si yekh proceduraluno puqipe kova phikoinla o demokrativune alosaripya thay valani te ovel mesto kotar o politikune konsideracie”, phengyola ano reagipe e OSBE-esko, vi ayekha on kerna kharipe e autoritetyenge te garaven e alosaripaske procesesko integriteti deipa siguracia kay o avutne aktya te oven may sahastarde thay ani akordanca e demokraciake standardenca.