Kosovaki Presidenta, Vjosa Osmani, erati arakhlape e haricune komunitetyenge politikune subyektencar ano suro e konsultipaske sahastarde seriengo e parlamentarune lideryencar. Maladipasko res sine te arakhelpe iklipe kotar o aktualune Kupatne sfide vash konstitutivuno funsionipe, kote shundile o godinpya e serbyenge, boshnyakenge, turkyenge, romenge, ashkalienge, egiptasyenge thay goraynenge.

“Sah o komunitetya silen mahatno roli ano akava procesi” phenla e rayni Osmani.

Jikay o kedipe e albanyune subyektyenge sherunencar na hramingya varesavo avansipe vash o politikuno grci, kova realizingyola palo yekh palo yekhune peripya e Kosovake Kupatnake konstituipeske, trin qhona valo alosaripya. Thay deklaringya kay sila minimaluno ajukeripe vash te iklolpe kotar e kriza, numay bi konstituisali e Kupatni nashti nakhlape ni ano alosaripya. Thay te sine kay na ka reslol o konstituipe oy ka direktingyol ki Konstituciaki Kriselin.

 “Kotar arakhipe e Presidenta e Kosovaka Republikake, ry. Vjosa Osmani, sar deputeti e romane komunitetesko, konfirmingyum moro decisipe ano phikodeyipe e instituciyenge konstituipasko. Akava yekhuno angazhipe vash institucialuno stabiliteto thay shukarno representipe aqhola prioriteto.”, phengya o rayo Albert Kinoli, Deputeti kotar e romani partia PREBK