Kharipe vash Hakayipe thay Kolektivuni Memoria

Erati, pe 13 mayi 2025, ano gav Korisha e Prizrenosko, adikerdilo manifestacia vash pelaripe ki godi vash te respektinen o 26 bersha e masakrake e bersheske 1999, kote 77 civilya tasavdile.

Mashkaro atestipya, akala civilya vastisale sar jivde barikade kotar o serbyune force vash te garavenmpe kotar o NATO-ske atakya.

Ano akava ki godi pelaripesko kedipe lele kotor e viktimyenge familie, thaneske dizutne thay reprezentya e lokalune institucienge, sar: o talosheruno e Prizrenoska Komunako, Kujtim Gashi thay ex-komandanti e UCK-esko, Lulzim Kabashi thay but aver reprezentya.

“Akaya masakra sine yekh planirimo akti kotar o serbyune force thay aqhola sar putardi rana e kolektivuna memoriaki.”, phengya o r. Gashi.