Haxhi Zylfi Merxha – Angluno Romano Kosovako Deputeti
prof. Ibrahim Elshani – may baro kontributori vash avansipe e publicistikako, jurnalistikako thay romana literaturako
prof. Kujtim Pacaku – Muzikalune Artyengo Magistro, poeti, artisto thay deputeti
prof. Nexhip Menekshe – autori, rejisori, aktori, jurnalisti thay romana qhibyako sikavno
Rayna: Bedrie Misini – aktora, romani gilavni
Mikriban Mulamisini – romani aktora
Bajram Galushi – romano penjardo aktivisti

…si may laqhi thay zorali qhand vash te respektina thay te ana ki memoria odolengo kola na si mashkar mende. Thay nane saday akala, numay o romano komuniteti sile pandar but avera kola ano aver bersha musay siyem te vizitina vi olenge limorya. On phikoinenamen te mothava respekti, naysipe vash lengere bukya thay sakrifice thay te garavaolen jivde ki amari kolektivuni memoria. Ovindoy khetane vash ki godi pelaripe, zorakergyam amare phandipya sar komuniteti thay kultivingyam dikhatesko moldipe, solidariteti thay respekti vash amari historia. On sikavdemen sar manifestingyola o 8.to Aprili! Ayekha kay, may angle: Bahtalo 8.to Aprili e sah personalitetyenge kola arakhle e bi-meripaski formula! Lokhi nekh ovel lengiri phuv! Homazhet tek varrezat e të ndjerëve tanë.