Vi e PREBK partia lugyarela piri kampanya vash o lokalune alosaripya. Agorutni kedipe akala partiako sine pe data 8 oktombri, kote o sheruno e partiako thay o ex-deputeto Albert Kinoli, mashkaro piri socialuni rafin publikingya o beshipe.
O beshipe realizisalo ano Maladipesko Kher vay aver nave o Parno Kher ani Terzimahalla.
Ano leske postipe ov mothavla kay o kedipe realizisalo e romencar kotar e Jenimahalla thay diskutisalo vash olenge problematike, jikay mangipeya olengi vota vash te shunarol lengo avazo ani asamblea.
Desar akale kedipastar, o rayo Kinoli pe data 6 oktombro vizitingya vi e Qytmahalla vash te phiravel para partiaki kampanya.
