Erati o sherunoministri, Albin Kurti, thay o sheruno e partiako LDK, Lumir Abdixhiku, realizinde yekh kontruktivuno kedipe. Numay pandar nanelen iklipe vash e presidentesko puqipe.
Ani aver rig e shefa e Vetvendosyaka Parlamentaruna Grupaki, Arberie Nagavci ani yekh deklaracia vash o medie phenla kay o kedipya vash e presidentesko puqipe si intensivune, pakyala kay ka arakhlol daykh konsensusi thay sah o deputetya ka agorinen poro obligipe te beshen ani sala thay te na nakhelpe ano alosaripya.
Politologi Melazim Koci ano yekh prononcipe vash o Telegrafi phenla kay o shayipe vash te arakhlol yekh konsensusi si but tikno. Si duy shayipya: buhlo konsensusi e Vetvendosyako thay e opoziciako vash yekh yekhuno anav yase lekanipe mashkaro VV thay PDK. Koci phenla kay saren aktrinena sar kay rodena konsensusi jikay on kerena politikuno mareva vash te ikalen kabahatlie yekhe-yavere. Thay angloinforminla kay o procesi shay te aqhol kvash thay te agorinel ani Konstituciaki Kriselin te sine kay e opozicia na kerla o kuorumi.
