O Prizreno kova shtar bersha raisalo kotar e partia PDK, Kosovaki Demoktrativuni Partia talo sherunipe e r. Shaqir Totajesko, akana si gatiserde vash o neve alosaripya thay palem kandidinela o r. Shaqir Totaj kova buderi e dizetnendar moldisalo sar suksesuno thay ano aver drom vi e aver statistikune meripaske instituciendar.

E parta koya raingya e Kosova, sar si e Vetvendosya alosarde e r. Artan Abrashi kole korkoro o sherunoministri prezentingyaole sar yekh pakivali thay vizionaruni figura vash o phiravipe e historikuna dizako.

E Kosovaki Avutnipaski Aleanca si te sheruningyol kotar laka krangako sheruno, o r. Besnik Krasniqi, kova moldisalo kotar o Ramush Haradinaj sar profesionisti eksperienca ano administracie thay mashkarselikane institucie.

E Kosovako Demokrativuno Phandipe – LDK alosargya sar kandidati e Driton Selmanaj kova ajukergyola te fokusingyol ano urbanyuno thay ano lokalune servisyengo program.

Prizreno si yekh e may bare komunendar thay mah mahatne kulturune thay ekonomikune aktivitetyencar ani Ksoova thay e kampanya ajukergyola te ovel dinamukuni mashkaro sherune kandidatya.