Erati, e Prizrenoska Komunako Sheruno, r. Shaqir Totaj qhivgya po hrami ano yekh lekanipe e Kosovake Energiake Efiqenciake Fondeske menajipeske direktorea, r. Driton Hetemi, vash shrd e proyektesko “Implementipe e masengo vash energiaki efiqencia vash o socialune obyektya buderi-apartamentencar” ani Prizrenoski Komuna.

Proyekti sile kosto 478,426 euro, phikoinmo 90% kotar e Kosovako Raipe, mashkaro EU-ako grandi, thay 10%  kotar e Prizrenoski Komuna, kova ka anel direktune benefitya vash 250 dizutne ano trin socialune obyektya ki amari diz.

Desar akalestar, ani Prizrenoska Komunaki qham, ulavdilo vi kola si o butikeripya kay ka realizingyon, sar: izolipe e avrune baranengo, kulmengo termoizolipe, yaveripe e penjerengo thay e avrune vudarengo, instalipe e tatipaske sistemesko e vazdukeske kondicioneryar, renovipe e khuvipyengo thay interfoniako, qhivipe e detektoryengo vash o dumani thay garavipe mamuy e yag.

Ani akaya lenaipaski ceremonia lela kotor vi e Ministra ano Obligipe vash e Ekonomia, ry. Artane Rizvanolli thay reprezentya kotar e EU-ko ofisi ani Kosova, Alessandro Bianciardi.