Alosaripyengo Paneli vash o Rovlarina thay Anglorovlarina – PZAP, pe 3.to februari 2026, aprovingya saday e rovlarin kotar e Serbyuni Lista, jikay refuzingya 6 aver rovlarina.

E aprovimi rovlarin si mamuy e KQZ-eski decizia kay na gende thay na deklarinde o agoruno rezultati vash akava politikuno subyekti thay lakere kandidatya, kerinindo e KQZ kay lengi decizia si biyustifikaciako thay ano pheruno mamuyippe e krisyune dispociziencar, feriso o agoruno rezultati manglape te mothavgyol yekhatar vash sakova politikuno subyekti.

Jikay o refuzipe lele o rovlarina kotar e Emilija Redzepi thay laki partia Nova Demokratska Stranka, Koalicia PAI-PDAK-LPB thay Kosovaki Romani Yekhipaski Partia – PREBK.

E PREBK-eski rovlarin bazirisalo mamuy e partia LPRK, ano aludipe kay sinelen vote ano thana kote na jivdinena roma, yase vash o sepebi e na akordancako e rezultatyengo mashkaro komunitetya ano komune ano alosaripyengo agoruno rezultati.

Jikay vash akaleske reaguingya vi e LPRK partiako sheruno, Erxhan Galushi, akharipa akala sar tentative vash te keren politikuni galama e bibazirime akuzencar mamuy LPRK.