Yekh qoripe realizisalo ano teharinake orya e 3 februreske 2026 ano drom “Durak Rada” ano Prizreno, kote trin maskime persoyna, mashkaro bandukyengo darakeripe qorde 40 euro kotar nesave persoyna.

Viktime H.S thay L.R. raportinde o suro thay intervistisale kotar e policia, numay vash o sepebi kay sine talo alkoholesko impakti thay nasinelen konkretune argumentya, mashkaro Prokurori hramisalo saday yekh informativuno raporti.

Numay palo rodlaripe arakhlile o video kotar o tereni, kote konstatingyola o qoripe. Dikhyona trin persoyna maskime, kola adikerena pe vvaste qhurik thay duy olendar bandukya. Palo akava yekhatar o autoritetya kotar e Prizrenosko Rodlaripyengo Rayonaluno Sektori pali yekh operativuni intensivuni buti, identifikinde e bipakyavnen: Kastriot Krasniqi, Shkodran Gashi, Liridon Gashi thay Valdrin Saramati.

Trin akala bipakyavnendar astardile mashkare policiake akcie thay vi o bandukya arakhlile, desar akalestar vi o maske, vastalina yase rukavice thay idya kola vastisale vash o qoripe.

Prokuroria adikerela e bipakyavnen vash 48 orya jikay o Valdrin Saramati rodingyola kotar e Policia feriso pandar na astardilo.