O direktori kova avla kotar e boshnyakuni partia NDS, kova anavisalo palo nakhipe ex direktorako ry. Emilia Redzepi ano Kosovaka Republikako parlamento, kote ano akava raipe si tali-sheruniministra vash o komunitetya, dengya lafi kay ji si pe shero akala instituciako si phikoinel e komuniteten vash te vijainen may but subvenciye thay kapitalune investicie.

DKRS si qalarni e ternenge aktivitetencar. ‘O terne si but aktivune, si khetane ano savore aktivitetya, manifestipya’, phenla o Ajazi.
Lesko gandipe vash o organizacie si pozitivuno, feri so BRO kola lenape kultura phikoinena e komuna leipa kotor an over-verutne yubilarune manifestacie.

O Ajazi sile pozitibune godinipya phando e romencar, specifikipea ani politikuni skena, janipea kay e LPRK silen yekh talo ministro ani Ministria e Kulturaki, Ternengi thay Sporteski.

Desar e buderi respondipyendar, o r. Arhim Ajazi dengya nesave rekomandipya, mesazhya thay lafya kay ka phikoinel ri-funskioniripe e romane folkloresko.

Vash te shunen sah o tretiripe akala temako thay o respondipya e Diktoreske vash i Kultura, Terne thay Sporti, inkurinatumen te dikhen thay te shunen e emisia koya lansisali pe 17 augusti ani radioski facebookeski qham ‘Romano Avazo’.