Ani konferancia “Avancipe e Romane, Ashkalyune thay Egiptasyune Komunitetyenge Hakayengo – Resipya thay Sfide”, organizimo kotar o Ofisi vash Shukarno Raipe thay proyekti Roma Integration III e Europake Koncilesko, potencirisale o sfide kolencar mamuyingyona o komunitetya, e may buderi ano lokaluno niveli.

Romano Reprezenti e BRO Romengo, Ashkaliengo thay Egiptasyengo Avazo, Isak Skenderi, kritikingya o informipaske sistemesko fragmenti thay o nanipe e stabilune mehanizmyengo vash raportipee, potenciripa kay e strategia vash inkludipe si sar bidikhli  ano komunaluno niveli thay saday ano 7 komune lela aprovipe ji pe 2023.

Rayo Skenderi phengya kay e aktualuni strategia akodrdingyola e mashkarselikane thay rayonalunne strategie, numay nashti arakhela mango implementiripe.

Ov kergya kharipe vash may baro financionaluno phikoipe thay politikuno ano centraluno thay lokaluno niveli, mangipa may tromalo angashipe kotar o institucie, feriso nanipe e efektivune butikeripe mashkaro institucie aqhakerla thay pharikerla o procesi e komunitetyenge inkludipasko.

Jikay, direktori e Shukarne Raipeske ofisesko, rayo Habit Hajredini, phengya kay o raipe lela praktikune bajakya vash o butikeripe e amare komunitetyenge, specialno ani siguripaski thay sastipaski praktika. Ov potenciringya kay e butyaripasko avansi ano institucie sar: Policia, FSK thay Familiaryune Saslaripaske Centre, specialitetea ani Gjakova, kote konsirediringya akava rezultati e khetano butikeripaski ano civiluno amalipe.