Vi o romane deputeti, Albert Kinoli reaguinela vash o kritikie thay akuze mamuy e romani yekhuni media Radio Romano Avazo mashkari piri ofisialuni rafin ano Facebook.
Romane medie kola kreirisale angashipa, sakrifica thay buderi muqipa. Lengoro respektipe, zoralipe thay shukaripe na si saday valanipe, numay amaro kolektivuno obligipe vash o amalipe kova sile vizia o beraberipe thay hakayipe vash sakaske.
Bishnadipa dikhlem nesave publikune deklaracie kola andar peste akharna denigripaski qhib mamuy o romane medie thay o angashipe jurnalistya kola sako dive kontribuinena anno informipasko thay e romane zoralipasko ani Kosova. Akala medie naneton limitime saday ano RTK ki Prishtina, numay on reprezentingyona vi ano kotar o aktivune mediumya sar ano Prizren, Gjakova, Gracanica, Ferizaj thay Mitrovica. Vash o romano komuniteti, akala medie na si saday resursi e informaciako – on si esencialuno instrumenti vash garavipe e qhibyako, identiteteske thay kulturune kustikipasko.
Ano yekh amalipasko kontesti kana o haricune komunitetyenge avazya buderi ver neglizhingyona, romane medie dena servisi sar phandipaski purt mashkaro o nakhlipe thay o avutnipe, zorakeripa e emeocia vash amari etnia thay kolektivuno gojaveripe.
Angle duy bersha, e romani Redaksia ano RTK, mamuyisali biqhaqhune atakyendar. Adive, o yekhuno radio ano Balkani, “Romano Avazo”, mamuyingyola bi maritime akuzencar. Ano than e phikoipasko e akale mahatne avazyenge, siyem dikhipa o mangipe vash te diskreditinen thay traynen. Akava aksesi nane saday kay si nahakayuno, numay kreirinla yekh risko vash e demoracia, vakeripasko/gandipasko mestipe thay mediatikuno pluralizmo.
Si legitimo kay o politikune subyektya te ovelolen yaveripya ano pratsava thay vizier, numay o atakya mamuy o romane komuniteteske medie vash o personalune motivacie nashti toleringyona. On nanelen te keren vash o profesionalizmo – mamuy akaleske, kerna ushkavipe e etikake principyengo thay mediake mestipasko. Profesionalizmo mothagyoola e pakivala bukya thay fokusipa, e na diskreditime aktyencar.
“Radio “Romano Avazo” sine yekh puterdi platforma vash o reprezentya e sah institucienge – inkludipa e Kosovake Sherune Ministre, Prizrenoska Komunake Shwrune, deputetya, reprezentya e civilune amalipaske thay buderi publikune personalitetya – yekhe resea: te avokinen ano laqharipe e politikengo vash o romano komuniteti. Nani mi akava atestipe vash may zoralo profesionalizmo thay biqhinda bukyako kay beshela pali akaya media?
Sar eks kotorleutne e Medienge Komisiako ani Kosovaki Kupatni, moro prioriteti sine sakoyaver te konsolidina thay te avaansina o romane medie, thay akava aqhola amaro politikuno thay institucionaluno cili. Feriso odote kote si mesto avazo, si rezistencia; odote kote si qhaquno informipe, si emancipe; thay odote kote ekzistinla romani media, ekzistinla vi shayipe vash te kreirine yekh amalipe kova na mekhla pale nikaste.
Mashkari akaya deklaracia, mangava te ulavav moro nayskeripe vash o sah romane jurnalistya kola sakodive dena poro kontributi ki akaya fisnikuni profesia. Inkurayinava odolen kola lugyarena te phirave poro obligipe integritetea thay tromipa, thay yekhedromea kharavolen kay ma te oven duy godyencar vash te kritikinen ini mere aktya yase pratsyavya sar deputeti thay politikuno reprezenti, kana on dikhlarna kay silen yustifikipe.
Nays kotar o ilo vash tumari buti thay angashipe – kotorleutne e RTK-eske, radioneske “Romano Avazo”, “Jivdipe Tumenca”, radio Gracanica thay sah odola kola reprezentitnena amaro komuniteti ko informipasko umal.
Sakova phikoipe vash o romane jurnalistya si phikoipe vash amaro identiteti, vash o hakayipe thay vash te oven informime vi ayekha vash te garaven amare kulturune moldipya.
