Romengo Deputeti ano Kosovako Sombeshipe, r. Albert Kinoli kova yekhe dromeya si vi sheruno e partiako PREBK khetane e Sejnur Veshaleya o trinto may votuimo kandidati ano nacionalune alosaripya vizitinde e “Prim. Daut Mustasfa” Prizrenoske Rayonalune Hospitaleske direktore, r. Osman Hajdari.
Ano poro hramipe o rayo Kinoli potencinla kay akaya institucia sakoyaver phikoimi e romane komunitete ani beraberuni forma.
“Prekal o kedipe bahtakergyam e nevi obligacia sar direktori e Prizrenoske Hospitalesko, ulavipa amaro naysipe vash fokusi, phikoipe thay mangipe vash te lugyarel o may laqho khetanobutikeripe vash sa o dizutne bi kerdo yaveripe.”, phenla o r. Kinoli.
