Kosovaki Presidenta, Vjosa Osmani, 15.to mayestar ka shrdinel yekh seria e konsultipyengi e sah politikune partiencar vash te ikalel kotar e blokada o procesi e Kosovake Kupatnake Konstituipasko.

Akava informipe dengya lakoro godideutno vash o medie, Bekim Kupina, kova mothavla kay vi o kharipya biqhaldile vash sa o subyektya vi ayekha lelile konfirmacie vash o kedipe paraskinaki rat/zoya dive.

Sasavipea, e Vetevendosje kergya klaro kay na ka propozinen niyekh aver kandidati vash sheruno e parlamentesko, adikeripa piri pratsav, janipea kay 13 tentative ji akana nashti Konstituime e Kupatni.